مراسلات کا خودکار خلاصہ پارٹ 2

السلام علیکم رحمتہ اللہ

محترم قارئین، مراسلات کے خودکار خلاصہ کا جو سابقہ طریقہ لکھا گیا تھا۔ اس میں بعض اوقات ایرر آجاتا ہے۔ ایسا زیادہ تر اس وقت ہوتا ہے جب کسی ٹیمپلیٹ میں پہلے سے خودکار خلاصہ کی کوششیں کی گئی ہوں۔ اور وہ کامیاب نہ ہوئی ہوں۔ دراصل وہ ناکامیاب کوڈ ٹیمپلٹ میں پڑے ہوتے ہیں جو کہ صحیح کوڈ کو بھی اثر انداز نہیں ہوتے۔ خواہ مخواہ نیٹوفوج بنے ہوئے ہوتے ہیں۔ اب جب تک ان کو باہر نہیں نکالا جاتا۔ صحیح کوڈ کام نہیں کرتے۔ ان سے نمٹنے کا سب سے پہلا طریقہ تو یہ ہے کہ آپ کوئی ٹیملیٹ ہی نئی استعمال کرلیں۔ لیکن اگر کسی وجہ سے آپ ٹیمپلیٹ وہی استعمال کرنا چاہیں تو پہلے درج ذیل طریقہ سے پرانے کوڈز ختم کریں اور پھر مراسلات کا خودکار خلاصہ کے مطابق عمل کریں۔
ان شاء اللہ خلاصہ سسٹم اپلائی ہوجائے گا۔

سب سے پہلے ٹیمپلیٹ کے ایڈٹ ایچ ٹی ایم ایل صفحہ پر جائیں۔

اس کے بعد

 

اس کے بعد

Expand widget Templates 

کے چیک باکس کو چیک کرتے ہوئے 

Ctrl + F 

کی مدد سے درج ذیل کوڈ تلاش کریں۔

</head>

تلاش کیے گئے اس کوڈ سے کچھ اوپر جہاں سے سکرپٹ شروع ہوتا ہے۔ اس سکرپٹ سے ہیڈ کے اوپر تک جیسا کہ تصویر میں نشان سے ظاہر ہے۔ اسے ڈیلیٹ کردیں۔

پھر اس کے بعد 

<data:post.body/> 

فائنڈ آپشن سے تلاش کریں 

تلاش کی گئی اس لائن سے اوپر کی ایک لائین جو کہ b:if سے شروع ہوتی ہے۔ اس ایک لائن کو ڈیلیٹ کردیں۔ اور اس کے نیچے کی لائینز بھی b:if سے b:if تک جیسا کہ تصویر میں دکھایا گیا ہے یہ سب ڈیلیٹ کردیں۔

اس کے بعد مراسلات کا خودکار خلاصہ کی تحریر کے مطابق عمل کریں۔

اس کے بعد پری ویو کا آپشن استعمال کرتے ہوئے چیک کرلیں کہ مطلوبہ عمل پورا ہوا ہے یا نہیں۔ اگر تو تحریریں خلاصہ ہو رہیں ہیں تو اس کا مطلب ہے کہ سارا عمل صحیح ہوا ہے۔ اور اسے محفوظ (save) کر لیں۔

اگر مشکل پیش آئے تو بتائیے گا۔

شکریہ والسلام

مکمل تحریر۔۔۔۔۔ِ

مسجد قل شریف

قل شریف مسجد روس کے علاقے قازان میں واقع مسجد ہے جو روس کی سب سے بڑی مسجد ہے جس کے بارے میں یہ بھی کہا جاتا ہے کہ یہ یورپ کی سب سے بڑی مسجد ہے۔

یہ مسجد 16 ویں صدی میں قازان میں تعمیر کی گئی۔ کہا جاتا ہے کہ اس مسجد کے مینار بھی تھے۔ اسے روایتی وولگا بلغاریہ انداز میں تیار کیا گیا تھا لیکن یورپی نشاۃ ثانیہ کے اولین دور کا اور عثمانی انداز بھی استعمال کیا گیا تھا۔ 1552ء میں سقوط قازان کے بعد روسیوں نے اس مسجد کو شہید کر دیا۔

تاتار دانشوروں کا کہنا ہے کہ قل شریف مسجد کے چند عنصر ماسکو میں قائم مشہور سینٹ بازل گرجے میں بھی دیکھے جا سکتے ہیں جن میں 8 مینار اور ایک مرکزی گنبد شامل ہے جو روایتی روسی طرز تعمیر سے مطابقت نہیں رکھتا۔ 1996ء میں اس مسجد کی دوبارہ تعمیر کا آغاز ہوا جو جدید طرز تعمیر کی حامل ہے۔ نئی مسجد کا افتتاح 24 جولائی 2005ء کو ہوا۔

مکمل تحریر۔۔۔۔۔ِ

جھوٹ بولنا

23:
 جھوٹ بولنا

عن ابن مسعود قال: قال رسول اللہﷺ : ((وایاکم والکذب فان الکذب یھدی الی 

الفجور وان الفجور یھدی الی النار وما یزال الرجل یکذب ویتحری الکذب حتی یکتب عنداللہ کذابا))۔

صحیح بخاری

سیدنا عبداللہ بن مسعود سے مروی ہے وہ بیان کرتے ہیں کہ رسول اللہ ﷺ نے فرمایا "اور جھوٹ سے بچو کیونکہ جھوٹ گناہ کی طرف رہنمائی کرتا ہے۔ اور گناہ آتش جہنم کی طرف رہنما کرتاہے اور آدمی ہمیشہ جھوٹ بولتا رہتا ہے اور جھوٹ بولنے کی کوشش کرتا رہتا ہے۔ حتی کہ اللہ کے ہاں بھی کذب لکھ دیا جاتا ہے"۔ 

مکمل تحریر۔۔۔۔۔ِ

مسجد وزیر خان

مسجد وزیر خان شہر لاہور میں دہلی دروازہ، چوک رنگ محل اور موچی دروازہ سے تقریباً ایک فرلانگ کی دوری پر واقع ہے۔ مسجد کی بیرونی جانب ایک وسیع سرائے ہے جسے چوک وزیر خان کہا جاتا ہے۔

یہ عظیم الشان مسجد 1634 عیسوی میں مغل بادشاہ شاہ جہاں کے دورحکومت میں لاہور کے گورنر علم الدین انصاری جو کہ نواب وزیر خان کے نام سے جانے جاتے تھے انہوں نے تعمیر کرائی، اس مسجد کی تعمیرمکمل ہونے میں تقریباً سات سال کا عرصہ لگا۔ 

یہ وسیع العریض مسجد وزیر خان کے نام سے موسوم ہونے کی وجہ سے مسجد وزیر خان کہلاتی ہے۔ بلند و بالا دیواریں اور شاندار گنبد ماہرین فن تعمیر کی مہارت کا منہ بولتا ثبوت ہیں۔ زمانہ کی ستم گریوں کے باوجود یہ عمارت آج  بھی اسی عظمت کا منہ بولتا ثبوت ہے۔

کچھ عرصہ پہلے غیر ملکی امداد سے اس مسجد کے دروازے پر خوانچہ فروشوں اور بھکاریوں نے جو ڈیرے ڈال رکھے تھے انہیں ہٹا کر وہاں ثقافتی ورثوں کے تحفظ کے لئے ایک ایسا کرافٹ بازار بنا یا گیا جس کا فن تعمیر، مسجد وزیر خان کے فن تعمیر سے مماثلت رکھتا ہے۔

مکمل تحریر۔۔۔۔۔ِ

بخل اور سرکشی کرنا

 22 بخل اور سرکشی کرنا

عن حارثہ بن وھب قال: سمعت رسول اللہ یقول:
 (( الا اخبرکم باھل النار کل عتل جواط مستکبر))

صحیح بخاری

سیدنا حارثہ بن وہب سے مروی ہے وہ بیان کرتے ہیں کہ میں نے رسول اللہ کو فرماتے ہوئے سنا،، آپ نے فرمایا: "کیا میں تمہیں جہنمیوں کی خبر نہ دوں؟ ہر سرکش، بخیل، اور متکبر جہنمی ہے۔ "

مکمل تحریر۔۔۔۔۔ِ

TeamViewer

ڈاؤنلوڈنگ لنک۔۔۔۔۔۔۔

مکمل تحریر۔۔۔۔۔ِ